Yauvana Yoga Studio é unha iniciativa orientada ao benestar e ao desenvolvemento integral das persoas.
Como CEO fundadora deste proxecto, nacido en 2017, comparto nestas liñas unha pequena parte da miña traxectoria :
Movemento consciente:
Iniciei o meu camiño cara ao movemento consciente practicando Kung-fu. O Hatha Ioga e a Meditación Integral foron os meus segundos mestres. Pasei uns cantos anos namorada do ioga Iyengar cunha práctica constante e intensa. E finalmente quedei prendada pola parte máis amable do ioga creando un espazo no que a xente se sinta con dereito a reducir a velocidade e a estar presente.
Formación previa:
O meu interese polo desenvolvemento humano levoume a Graduarme en Recursos Humanos , certificarme como Técnica Superior en Prevención de Riscos Laborais, Formadora Ocupacional e Docente de Formación Profesional.
Formación en ioga:
Instrutora de Ioga certificada pola Xunta de Galicia (titulación oficial de grao superior).
Profesora de Ioga Integral avalada pola Yoga Alliance RYT500.
Profesora de Ioga para nenos/as, adolescentes e familias
Instrutora de Meditación e Mindfulness ( en proceso).
Formación complementaria:
Anatomía/fisioloxía e ioga adaptado, somática con fitball, solo pélvico/embarazo & post-parto, ximnasia hipopresiva, cadeas musculares, educación visual, terapia de son con cuncos armónicos, musicoterapia e aromaterapia.
O meu obxectivo:
Empoderar ás persoas para que sexan máis conscientes do seu corpo, a súa respiración, a súa psique, as súas emocións, os seus hábitos, a súa hixiene postural, aprender a escoitarse a si mesmas e desenvolver todo o seu potencial para vivir unha vida plena na que a felicidade é unha elección.
Linguas nas que te podes comunicar comigo:
Galego, español, inglés, francés e italiano.
“As palabras non poden transmitir o valor do ioga, hai que experimentalo”
B.K.S. Iyengar